Koko pataki mẹsan ti o fi gbọdọ bẹrẹ ọsin adiẹ 'Broiler' lọdun yii

Kii ṣe iroyin tuntun pe adiẹ dun lẹnu pupọ, paapaa awọn adiẹ oyinbo to yatọ si ti ibilẹ to pọ kaakiri.

Ọpọ ni kii fẹ danu duro bi wọn ba n jẹ adiẹ oyinbo lẹnu, bẹẹ si ree, adiẹ oyinbo pe oriṣiriṣi, lara rẹ si ni eyi ti wọn n pe ni Broiler wa.

Ki ni idi ti o ṣe gbọdọ ṣe ọsin adiẹ 'Broiler'?

• Awọn adiẹ Broiler maa n tete dagba, ti wọn si maa n tobi, ti wọn si maa n tete mu owo wọle.

• Ẹran adiẹ Broiler kii dilẹ lori igba, o jẹ ohun ti awọn eeyan n beere fun ni gbogbo igba, to si jẹ okoowo ti ko le kuta.

• Bibẹrẹ okoowo ọsin adiẹ Broiler ko gba ọpọlọpọ owo lati fi bẹrẹ bii awọn ohun ọsin yooku.

• Loorekoore ni owo n wọle fun agbẹ to ba yan ọsin adiẹ Broiler laayo, owo naa yoo maa wọle lai pariwo.

• Ko si ibi ti o ko ti le bẹrẹ ọsin adiẹ Broiler naa, yala lẹyinkule ile tabi ibi yoowu ti aye ba wa. Eyi lo si maa n sọ awọn eeyan di agbẹ keekeekee.

• Adiẹ Broiler ko lani loogun lati sin, tabi tọju, imọ diẹ lo nilo lati ni, ko to di pe o bẹrẹ.

• O le ta adiẹ Broiler laaye tabi lẹyin ti o ba pa a tan, eyi ti yoo jẹ ki owo wọle sapo rẹ.

• Igbẹ adiẹ Broiler tun n ṣiṣẹ gẹgẹ bi ajilẹ, to si n mu adinku ba idọti, to si tun n ṣagbelarugẹ fun eto ipawo-wọle.

• Bi o ba n ṣe ọsin adiẹ Broiler, ko si iṣẹ ti o ko tun le ṣe, o si tun le mu iṣẹ agbẹ bii ọgbin mọ-ọn leyi ti yoo fun ọ laaye lati tan iṣẹ agbẹ naa ka.

Ko pẹ ju bi o ba tete bẹrẹ ọsin adiẹ Broiler lonii.