Aarẹ Tinubu wọ ipinlẹ Eko fun ayẹyẹ ọdun Keresimesi ati ọdun tuntun - IROYIN AWIKONKO

    • LÉRÉFÈÉ

    Thursday, December 19, 2024

    Home KERESIMESI Aarẹ Tinubu wọ ipinlẹ Eko fun ayẹyẹ ọdun Keresimesi ati ọdun tuntun

    Aarẹ Tinubu wọ ipinlẹ Eko fun ayẹyẹ ọdun Keresimesi ati ọdun tuntun


    Aarẹ ilẹ Naijiria, Bola Ahmed Tinubu ti wọ ilu Eko fun ayẹyẹ ọdun Keresimesi to wọle de, ati ọdun tuntun to n bọ lọna.

    Agogo mẹta kọja iṣẹju mẹtalelogun ọsan, Ọjọru, ọjọ kejidinlogun, oṣu Kejila, ọdun 2024 ni Aarẹ Tinubu balẹ si papakọ ofurufu Murtala Mohammed International Airport to wa ni Ikeja, ipinlẹ Eko.

    Ninu atẹjade ti agbẹnusọ aarẹ, Bayo Onanuga fi sita, o jẹ ko di mimọ pe ilu Eko ni Aarẹ Tinubu yoo ti ṣọdun Keresimesi.

    Gomina Babajide Sanwo-Olu tipinlẹ Eko; igbakeji rẹ, Femi Hamzat; awọn alẹnulọrọ ninu ijọba ati lẹgbẹ oṣelu APC nipinlẹ Eko ni wọn lọ pade Aarẹ bo ṣe balẹ si papa ofurufu.

    Ọjọ Iṣẹgun, ọsẹ yii ni aarẹ gbe aba eto iṣuna ọdun 2025 lọ sile igbimọ aṣofin lati ṣagbeyẹwo rẹ.
    Tags
    PIN-IN KAAKIRI
    Author Image

    NIPA IROYIN AWIKONKO

    By at
    Tags:

    No comments:

    Post a Comment

    Subscribe to: Post Comments (Atom)

    PÍN-IN KÁÀKIRI

    Author Details

    Ile-iṣẹ AWIKONKO MEDIA CHANNEL lo n gbe IROYIN AWIKONKO jade pẹlu ontẹ Ijọba orilẹ-ede Naijiria labẹ ajọ iforukọsilẹ nni, iyẹn CORPORATE AFFAIRS COMMISSION. A fẹ ki ẹyin ti ẹ n ka Iroyin Awikonko mọ daju pe a ko ni i gba ẹnikẹni laaye lati ṣe ẹda iroyin wa, tabi gbe e jade ninu iwe iroyin min in lai gba aṣẹ lọwọ awọn alaṣẹ wa, ẹsẹ ofin la o fi gbe onitọhun. Bẹẹ, a ko ni fẹ ki ẹnikẹni ṣi iroyin wa ka, nitori pe iwadii kikun la n ṣe ka to le gbe iroyin jade, nitori naa, bi ẹ ba ka ifọrọwerọ pẹlu eeyan, ohun ti ẹni naa ba sọ, ki i ṣe awa la sọ ọ, ẹni naa lo sọ bẹẹ. Fun alaye lẹkunrẹrẹ, tabi ipolowo ọja yin, ẹ le kan si wa lori: +2347012342712.