AbdulRazaq di Sardauna tìlú Ìlọrin

Ẹmir tiluu Ilọrin, Ọmọwe Ibrahim Sulu-Gambari ti fi oye tuntun, Sardaunan tiluu Ilọrin da Gomina AbdulRahman AbdulRazaq lọla.

Ẹmir Sulu-Gambari sọ pe oun ko ṣai gbe oye naa fun gomina yii, bi ko ṣe ti awọn ipa rere to ti ko, eyi to jẹ ki ipinlẹ Kwara maa lewaju ni gbogbo ẹka.

Alaga igbimọ ọba alaye nipinlẹ Kwara ọhun ṣalaye pe ipa to jọju ni AbdulRazaq n ko lawujọ awọn ọba ati oloye, paapaa nipa aṣa ati iṣẹṣe iṣẹdalẹ ilu Ilọrin.

Gomina AbdulRazaq ni ẹnikeji ti yoo di ipo Sardauna ilu Ilọrin mu, lẹyin oloogbe Alaaji Umar Saro, ẹni to papoda lọdun diẹ sẹyin.

Ṣaaju asiko ni wọn ti fi oriṣiriṣi oye bii Sọludẹrọ tiluu Ọffa, Sadaukin tiluu Lafiagi, Kauran tiluu Kaiama ati Akorede tiluu Oro, to fi mọ awọn miran lọla.

Tags # Kwara

PIN-IN KAAKIRI

NIPA IROYIN AWIKONKO
Ile-iṣẹ AWIKONKO MEDIA CHANNEL lo n gbe IROYIN AWIKONKO jade pẹlu ontẹ Ijọba orilẹ-ede Naijiria labẹ ajọ iforukọsilẹ nni, iyẹn CORPORATE AFFAIRS COMMISSION. A fẹ ki ẹyin ti ẹ n ka Iroyin Awikonko mọ daju pe a ko ni i gba ẹnikẹni laaye lati ṣe ẹda iroyin wa, tabi gbe e jade ninu iwe iroyin min in lai gba aṣẹ lọwọ awọn alaṣẹ wa, ẹsẹ ofin la o fi gbe onitọhun. Bẹẹ, a ko ni fẹ ki ẹnikẹni ṣi iroyin wa ka, nitori pe iwadii kikun la n ṣe ka to le gbe iroyin jade, nitori naa, bi ẹ ba ka ifọrọwerọ pẹlu eeyan, ohun ti ẹni naa ba sọ, ki i ṣe awa la sọ ọ, ẹni naa lo sọ bẹẹ. Fun alaye lẹkunrẹrẹ, tabi ipolowo ọja yin, ẹ le kan si wa lori: +2347012342712.