AbdulRazaq ṣi ọja igbalode to kọ f'awọn ọlọja

IROYIN AWIKONKO 2 years ago IROYIN, Kwara,

L'ọjọ Iṣẹgun, Tusidee, ọsẹ yii lawọn ọmọ ipinlẹ Kwara tun fi itan tuntun balẹ pẹlu bi Gomina AbdulRahman AbdulRazaq ṣe ṣi ọja igbalode Gbugbu to wa n'ijọba ibilẹ Edo.

Nibẹ ni Ẹmir tiluu Lafiagi, Alaaji Muhammed Kudu Kawu, ti ṣapejuwe akanṣe iṣẹ naa gẹgẹ bi idagbasoke to de lasiko ti awọn eeyan n reti.

Ọkan pataki ni ọja tuntun naa jẹ niluu Edu Patigi.

Alaaji Kudu Kawu ninu ọrọ rẹ sọ pe ọja naa yoo jẹ ki eto ọrọ aje agbegbe naa dagbasoke kọja afẹnuroyin, nitori pe ohun ti wọn ti n reti tipẹ ni.

O ni awọn idagbasoke ti Gomina AbdulRazaq ti n ṣe latigba to ti de ori ipo jẹ iwuri, nitori pe ipinlẹ naa to wa ni ipo ẹyin tipẹ, ti wa lara awọn ipinlẹ to n lewaju lasiko yii ni Naijiria.

Tags # IROYIN # Kwara

PIN-IN KAAKIRI

NIPA IROYIN AWIKONKO
Ile-iṣẹ AWIKONKO MEDIA CHANNEL lo n gbe IROYIN AWIKONKO jade pẹlu ontẹ Ijọba orilẹ-ede Naijiria labẹ ajọ iforukọsilẹ nni, iyẹn CORPORATE AFFAIRS COMMISSION. A fẹ ki ẹyin ti ẹ n ka Iroyin Awikonko mọ daju pe a ko ni i gba ẹnikẹni laaye lati ṣe ẹda iroyin wa, tabi gbe e jade ninu iwe iroyin min in lai gba aṣẹ lọwọ awọn alaṣẹ wa, ẹsẹ ofin la o fi gbe onitọhun. Bẹẹ, a ko ni fẹ ki ẹnikẹni ṣi iroyin wa ka, nitori pe iwadii kikun la n ṣe ka to le gbe iroyin jade, nitori naa, bi ẹ ba ka ifọrọwerọ pẹlu eeyan, ohun ti ẹni naa ba sọ, ki i ṣe awa la sọ ọ, ẹni naa lo sọ bẹẹ. Fun alaye lẹkunrẹrẹ, tabi ipolowo ọja yin, ẹ le kan si wa lori: +2347012342712.