Adérìnókùn ṣayẹyẹ ọdún Kérésìmesì fáwọn ọmọdé n'ìpínlẹ̀ Ògùn

Ẹsẹ ko gbero ni gbagede ọgba redio ipinlẹ Ogun, iyẹn OGBC to wa niluu Abẹokuta, ipinlẹ Ogun lọjọ Aiku, Sannde ana nibi ti gbajugbaja oloṣelu nni, Oloye Olumide Aderinokun ti ṣagbatẹru eto ayẹyẹ ọdun Keresimesi fawọn ọmọde to le ni ẹgbẹrun kan.

Kaakiri ijọba ibilẹ mẹfa to wa ni aarin gbungbun ipinlẹ Ogun (Ogun Central) la gbọ awọn ọmọde ti ọjọ ori wọn bẹrẹ lati ọjọ kan soke ni wọn jẹ anfaani yii.

Oriṣiriṣi ẹbun bii baagi ti wọn n gbe lọ sileewe, ounjẹ, awọn ẹru ileewe awọn ọmọde, iṣere ọmọde ati bẹẹbẹẹlọ lawọn ọmọde fi ṣe ifajẹ.

Baba Keresimesi da awọn ọmọde laraya, bẹẹ ni gbogbo awọn ọmọde patapata fi orin ati ere ọlọkan-o-jọkan da ara wọn laraya gidi.

Nigba to n sọrọ, Akinruyiwa tilu Owu, Oloye Aderinokun sọ pe ohun to dara ni lati maa mu inu awọn ọmọde dun, paapaa lasiko ọdun bayii, to si ni gbogbo igba loun yoo maa ṣagbatẹru bi awọn ọmọde yoo ṣe maa jẹ mudunmudun eto iṣejọba awaarawa.

Diẹ ree lara bi eto ọhun ṣe lọ.

Tags # KÉRÉSÌMESÌ

PIN-IN KAAKIRI

NIPA IROYIN AWIKONKO
Ile-iṣẹ AWIKONKO MEDIA CHANNEL lo n gbe IROYIN AWIKONKO jade pẹlu ontẹ Ijọba orilẹ-ede Naijiria labẹ ajọ iforukọsilẹ nni, iyẹn CORPORATE AFFAIRS COMMISSION. A fẹ ki ẹyin ti ẹ n ka Iroyin Awikonko mọ daju pe a ko ni i gba ẹnikẹni laaye lati ṣe ẹda iroyin wa, tabi gbe e jade ninu iwe iroyin min in lai gba aṣẹ lọwọ awọn alaṣẹ wa, ẹsẹ ofin la o fi gbe onitọhun. Bẹẹ, a ko ni fẹ ki ẹnikẹni ṣi iroyin wa ka, nitori pe iwadii kikun la n ṣe ka to le gbe iroyin jade, nitori naa, bi ẹ ba ka ifọrọwerọ pẹlu eeyan, ohun ti ẹni naa ba sọ, ki i ṣe awa la sọ ọ, ẹni naa lo sọ bẹẹ. Fun alaye lẹkunrẹrẹ, tabi ipolowo ọja yin, ẹ le kan si wa lori: +2347012342712.