Ko din ni eeyan meje ti a gbọ pe wọn ti jẹ ipe Ọlọrun bayii sinu ijamba mọto to waye lagbegbe Ilo-Awẹla, Toll Gate ni Sango, ipinlẹ Ogun laarọ oni Satide Abamẹta.
Ni nnkan bi aago mejila ku iṣeju marundinlọgbọn (11:35am) la gbọ pe Tirẹla Dangote tẹ bọọsi Voltswagen LT 35 ati mọto ayọkẹlẹ kan, t'awọn meje si gbabẹ sọda s'ọrun alakeji.
Wọn ni ijanu tirela naa lo da iṣẹ silẹ lori ere, to si mu k'awọn mọto naa ko sabẹ rẹ.
Loju ẹsẹ t'iṣẹlẹ naa ti waye l'awọn tinu n bi ti ju ina si tirela Dangote naa, ti wọn si dana sun un womu-womu. Ọpẹlọpẹ awọn oṣiṣẹ ajọ popona ti agbọ pe wọn gba awakọ Dangote naa silẹ l'ọwọ iku ojiji, n'igba ti wọn ni wọn da igi bo o lati pa a danu.
Loju ẹsẹ t'iṣẹlẹ naa ti waye l'awọn tinu n bi ti ju ina si tirela Dangote naa, ti wọn si dana sun un womu-womu. Ọpẹlọpẹ awọn oṣiṣẹ ajọ popona ti agbọ pe wọn gba awakọ Dangote naa silẹ l'ọwọ iku ojiji, n'igba ti wọn ni wọn da igi bo o lati pa a danu.
No comments:
Post a Comment