Gomina Amosun ni kawon olokoowo wa a da ise sile nipinle Ogun

Gomina ipinle Ogun, Asofin agba Ibikunle Amosun ti ro awon olokoowo kekeeke, ati olokoowo nla wi pe ki won wa da ise sile nipinle Ogun pelu bi won ti se ka ipinle naa mo awon ipinle marun un to lowo ju lo lorileede Naijiria.

Gomina Amosun soro yi nibi ipate oja ita gbangba (Lagos International Trade Fair) eleekokanlelogbon (31st) iru e to sese pari niluu Eko nigba ti igbakeji e, Arabinrin Yetunde Onanuga n gba enu e soro.

Amosun so pe pelu awon eto ti ijoba ipinle naa ti se lati le je ki eto oro aje ipinle naa lo soke lo je kawon olokoowo to to eedegbeta (450) wa nipinle naa lasiko yi.

O lawon yoo ti daju pe awon eto to tun si n lo lati je ki ipinle Ogun wa lara awon ipinle ti yoo maa figagbaga pelu awon orileede kaakiri agbaye lawon yoo je ko wa si imuse.

Nigba toun naa n soro, Komisana foro ileese ati okoowo, Ogbeni Bimbo Asiru je ko di mimo lati je ki ipinle Ogun fa awon olokoowo mora lo fa ti won fi pinu lati je ki awon opopona kaakiri ipinle naa fun wo lo ju, ti won si tun se e rin, ti ko si ni fa idakureku moto.

Bee lo so pe aaye si sile gbayau fawon to ba fe e wa da ise sile nitori tawon ti lese orisirisi nkan alumoni amayederun to le mu ki ise tabi oja lo bo se ye ko lo lasiko.

Bakan naa lo tun fi kun oro e pe bi ibi teeyan ba ti n sise ba se rorun to, ti alaafia si wa lo le je ki ifokanbale wa fawon onisowo.