Ilosiwaju agbegbe mi lo je mi logun - Akinsanya

Olori ile igbimo asofin tuntun ti won sese yan nijoba ibile idagbasoke Ilugun, nipinle Ogun, Onarebu Kolawole Akinsanya ti so pe ilosiwaju agbegbe oun paapaa ipinle Ogun lo je oun logun.

Onarebu Akinsanya ati Onarebu Mofoluke

Onarebu Akinsanya soro naa lai pe yii nibi ayeye bura fawon oloye ile igbimo asofin tuntun ti yoo maa sakoso ijoba ibile Ilugun ati agbegbe e ninu ogba ileese won.

Ninu oro e lo ti so pe bo tile je pe oun ko figba kan ronu nipa pe oun yoo di olori ile igbimo asofin nijoba idagbasoke naa, sugbon sibe, pelu ipinu toun ni lati mu ijoba idagbasoke naa lo siwaju, oun yoo sa gbogbo ipa ati akitiyan yan oun lati rii pe oun se nnkan tawon eeyan n fe lati odo oun.

Ninu oro ti e, alaga ijoba idagbasoke Ilugun, eni to tun je alaga igbimo tuntun ti won sese yan nile igbimo asofin naa, Diakoni Arabinrin Mofoluke Soremekun so pe Onarebu Akinsanya kun oju osuwon lati dari ilu lo mu kawon pinu lati fa a kale.

O wa gba Onarebu Akinsanya lamoran wi pe ko ma ri ara e gege bi eni to ti de ibi to ye ko de, sugbon ko ri ipo naa gege bi ategun si ibi to si n lo lojo iwaju.

Leyin ayeye ibura naa

Saaju akoko yi AWIKONKO gbo pe pelu iwa irele, ife awon eeyan ti Onarebu Akinsanya ni, lo je kawon eeyan paapaa awon araalu naa so pe oun lawon fe gege bi olori won.

Lara awon to tun wa nibi ayeye naa ni igbakeji alaga ijoba idagbasoke Ilugun, Onarebu Joseph Kuyoro, Akowe ijoba idagbasoke Ilugun, to fi mo awon agbaagba egbe oselu APC.