Oja Osiele jona di eeru l’Abeokuta

Titi di bi a ti n koroyin yi lawon ti soobu won jona ni oja Osiele nijoba ibile Odeda ipinle Ogun ko tii fi tara-tara gbadun nitori ti won so pe oja to le ni milionu mewaa lo jona di eeru ninu awon soobu to jona lojo Aiku Sande ijeta to koja yi.

 

Gege bi AWIKONKO se gbo, ni nnkan bi aago mejila aabo oru ni won so pe ina deede la ninu soobu kan, eyi to sakoba fun soobu meje ti won so pe oja to wa ninu won le ni milionu mewaa naira.

Bawon ti soobu won jona se n gbera sanle sunkun bee ni won n pariwo gbese nitori ti won ni awon ko le so pato nnkan to fa ki ina seyo to yoo si jo awon oja di eeru.

AWIKONKO gbo pe ko si ina ijoba lasiko tisele naa bere, eyi ti won le fi ri dimu pe boya ina ijoba lo faa. 

Bo tile je pe awon toro naa kan so pe awon ko mo nnkan tawon fee so latari ibanuje ati ironu to gba okan  won, sugbon omo okan lara awon eeyan naa to bakoroyin wa soro so pe iyalenu lo si n je fawon.

Arabinrin Funmilola so pe oun ko le so pato nnkan to le sokunfa ijamba ina naa tori pe awon kii dana ninu soobu, bee si lawon kii tan ina atupa.

Ibi isele naa

O ni lesekese tariwo ina yi gba Osiele kan lawon eeyan ti bere sii jade lati dawo e duro sugbon to je pe pabo loro naa ja si. O ni yato si oja iya oun, soobu awon aburo oun meji to je pe awon nkan jije lo n ta ba isele naa lolawon oja to ba ijamba naa, bee lo so pe awon oja to wa ninu awon soobu yi le ni milionu mewaa tori pe iso awon elewe omo atawon oloja purofison ni.

Bakanna lo rawo ebe sijoba lati boju aanu iranlowo wo awon tori pe awon ko ni agbojule miran, ibi tawon ti n jeun niyen tawon si n san owo ori won deede.

Nigba to n b’AWIKONKO soro, Jagunmolu ilu Osiele, Oloye John Adio Oyeleye ni nnkan bi aago meje aabo aaro ojo naa, o so pe iru nnkan bee ko tii sele ri ninu oja naa, ati pe ko seni to le so pato nnkan to fa ijamba ina yii.

O loju oorun loun wa ti won fi wa ji oun, lesekese lawon kan ti so pe kawon loo pe awon panapana sugbon oju ona loun ti ni ki won pada tori pe o seese ki won ma tete dawon loun, ko too di pe awon gbe igbese lati pana naa.

O loo seni laanu pe aso ko bomoye awon soobu mejo to je pe opo milionu leru to jona ninu ijamba buruku naa.

Jagunna Osiele

Oloye Oyeleye ni bo tile je pe Kabiyesi ko si nile, sugbon oun atawon Oloye ilu yoo foro naa to leti lati gbe igbese to ba ye.

Asiwaju Aje Osiele, Oloye Osoko Kolawole nigba toun naa bawon eeyan naa kedun pelu ibanuje okan so pe ogbe okan nijamba ina naa je foun, tori pe ilosiwaju oja naa loun wa.

O loun si koja ni nnkan bi aago mejo ale ojo Abameta Satide lati sabojuto awon soobu, toun ko si ri apeere pe iru nnkan ajalu bayii le sele.

Oloye Osoko niyalenu lo je foun nigba ti won foro naa toun leti pe oja jona, toun ko fo enu toun fi gbera lati wa wo o.

Oun naa lo asiko naa lati rawo ebe sijoba ipinle  Ogun pe ki won bawon da si oro naa, o loun nigbagbo pe ti Gomina Amosun ba gbo gege bo se je eleyinju aanu, yoo ran awon lowo.