Se Omodo-Agba muti yo ni?

Bee yan ba wa ni pati kan ti won se ladugbo Adigbe nilu Abeokuta lojo Aiku Sande to lo lohun, to ri agba gbajumo sorosoro ori redio nni, to tun je okan lara awon oga agba ileese redio Family FM, iyen Morufu Adegboye topo mo si Omodo-Agba nibi to n ti n na owo fawon eeyan, to si n ko ijo mole, yoo koko ro pe oti lo n pa a nitori ti won so pe iru e ko tii sele ri.

Lakoko to n na owo

Bo se n ki owo bo apo otun, bee lo n towo bo apo osi to si n bu apekanuko owo jade, to n na fawon to ba duro niwaju e loju agbo ti Taye Currency ti sere.

Sugbon kii se pe okunrin naa muti yo, bi ko se pe inu e lodun ju, nitori pe odun asa ni won se lojo naa, idi niyii to fi gbe osuba kare fun eni to sagbateru eto naa pe ise lo se.

Won ni bi e ba pe Omodo-Agba si pati, ko ni yoju, kii se ti igberaga, bi ko se pe gege bi eto ise aye to n se, o lawon ode ti iru won gbodo maa lo. Won ni bi e ba pe e pe aburu kan sele to seni ni kayeefi, laarin iseju bii melo kan ti e pe, kawon eeyan miran too de be, Omodo-Agba le maa koko ri nitori pe ibi tawon ti n gbajumo niyen.

Nigba toun funra e n soro lori idi ti ko fi maa n fi gbogbo enu soro tan lori awon isele to maa n na sita lori afefe, o ni nigba toun si maa n tele oga oun Kolawole Olawuyi lo seto, nibi toun ba jokoo si lowo eeyin lawon eeyan ti maa n so orisirisi pe Kola Olawuyi ko mo bi won se n senu po to ba n soro. O loun ko fi iku e yo, sugbon oun gbodo maa fi ogbon se nkan toun ba n se.

Bee lo soro lori iwa awon eeyan, paapaa awon ololufee redio, o so pe eni tawon eeyan ba ri ni won maa n kan saara si nitori pe leyin toun kuro lori eto Teledalase toun n se nileese redio ipinle Ogun, iyen OGBC ti Ogbeni Makinde Fasunle si gba ise naa, fun bii ose meta lawon eeyan fi pe oun pe ko seni to le seto naa bi oun, sugbon nigba to ya, won ko pe oun mo, Fasunle ni won tun n gbosuba fun.