Nnkan de; Awon osise redio OGBC bere iyanse-lodi olojo gbogboro

Bo tile je pe tipetipe lawon osise redio ipinle Ogun, OGBC ti n bebe fun owo osu won lowo Gomina Ibikunle Amosun nitori ti won so pe owo osu merin ni ijoba je awon, sugbon ti won so pea won ko gbo nkankan latigba tawon ti n bebe fun owo oogun oju won.

Lati nnkan bi osu kan seyin lawon osise ileese redio naa ti n ko leta ikilo fun iyanse-lodi sijoba, sugbon kaka ki ijoba ipinle Ogun gba leta naa ka, ko si san owo won fun won lasiko, eremode ni won ni ijoba ipinle Ogun fi leta naa se, wipe won ko to bee lati lo fun iyanse lodi.

Lojo Aiku Sannde to koja yi lawon osise naa se ipade kan, eyi ti won fi to awon agbaagba kan nidi ise iroyin, to fi mo alaga egbe oniroyin nipinle Ogun, Ogbeni Abiodun Ogundipe leti pe ona wo lawon tun le gba kawon ma lo si iyanselodi yi, leyin ipade naa ni won tun ko leta olojo meta miran sijoba wipe awon yoo bere iyanse l’Ojoru Wesde bi won ko ba tete da si oro won, nitori pe iya n je won, gbogbo awon to si n ri won ni won ro o pea won gbowo osu, to si je pe gbese tawon ti je sile ko see ko.

 

Ni nnkan bi aago merin aabo aaro Ojoru Wesde lawon osise kookan ti de si ogba ileese redio naa wipe bebe yoo sele, pepeye yoo gbomo adie pon, wahala maa so nitori ti won so pe ko seni to maa wonu ogba redio naa lati sise, afi ti ijoba Amosun ba dawon lohun, ko si san owo osu merin won fun won.

Sugbon nigba to di aago marun geerege lawon osise naa loo ti awon ilekun yara igbohunsafefe atawon enu ona abawole sinu ogba ileese redio OGBC naa wipe ko seni ti yoo wole ninu awon oga agba atawon alakoso ileese naa.

Awon to lewaju ehonu iyanselodi tawon osise redio naa bere ni Ogbeni Abiodun Ogundipe to je Alaga fegbe akoroyin ati Ogbeni Ayo Aina, Alaga fegbe awon osise ileese redio ati telefisan nipinle Ogun.

Nigba to n ba AWIKONKO soro lori iyanselodi naa, Ogbeni Ogundipe so pe awon ko ni pada seyin, ayafi ti ijoba ipinle Ogun ba san gbogbo owo to je awon osise ileese redio naa, nitori pe oun ko le la oju oun sile ki iya maa je awon eeyan won.

AWIKONKO gbo pe gbogbo eto to ye kawon osise naa se nipa iyanselodi ni won se, nitori pe won ni won ti koko ko iwe ikilo iyanselodi olojo mokanlelogun, olojo meje ati olojo meta, leyi ti won ko le so pe won jebi ijoba labe ofin.

Ogundipe tesiwaju pe Oga awon osise nipinle Ogun, Ogbeni Abayomi Sobande ti da si oro naa wipe kawon osise naa lo ni suuru, o si se ileri wipe won yoo ri owo ijoba ipinle ogun laipe, nitori pe ijoba alaanu ni ijoba ipinle Ogun.

Sugbon o so pe oun mo pe ileri ori ahon lasan ni, iyen ko so pe kawon dawo iyanselodi naa duro ayafi ti ijoba ba se nnkan tawon n fe fawon eeyan won lasiko.

Yato sawon owo osu ajeele, ijoba ipinle Ogun tun je awon ni owo ifeyintin ti won ti n yo lati odun 2012 titi di odun 2017, eyi to ti le ni aadota milionu naira. Bakanna ni won tun so wipe owo kan to je owo ile ijoba apapo, iyen National Housing Fund to je milionu meji naira ni ijoba ko tii san fawon.

Awon owo ti won tun ni ijoba ipinle Ogun je awon ni N148,260,000 to je owo to je eto won; N76.8 million to je gege bi owo ajeele; N45 million to je gege bi owo ifeyinti; N464,000 to je owo egbe fodun 2017 ati N6million to je owo alajeseku tipatipa ti won n se labe ijoba.