Odunlade Adekola fee se bebe lojo Falentaini

Gege bi a ti mo pe gbogbo ojo kerinla ninu osu keji odun ni ayajo ojo awon ololufee kaakiri agbaye, nibi tawon ololufee meji ti ma n fi ife han si ara won lara oto, ti won maa n ya ojo naa sile lati loo gbadun ara won ju ti tele lo.

Odunlade Adekola

Gbajumo osere tiata nni, to je ambasado fun ileese ikansiraeni GLO ati oti Goldberg, iyen Odunlade Adekola ti so pe kawon eeyan, paapaa awon ololufee oun wa ba oun ya foto lojo ayajo ololufee, eyi ti yoo waye ni ojo Isegun Tusde, ose to m bo.

Gege bi AWIKONKO se gbo, won ni ileese ti won ti n ya foto ti gbajumo osere tiata naa sese si sagbegbe Agbeloba nilu Abeokuta, lo ti ni kawon eeyan wa ya foto, ki won si gbadun ara won.

Oruko ileese naa ni Clean Image Studio, atipe kii se ofe lawon eeyan yoo ya foto lojo naa, won maa san owo ni, o kan je pe iye to fee gba lowo won maa yato si eyi to n gba tele gege bi ohun taa gbo.

Bakanna lokunrin naa tun so fawon eeyan pe oun ko gba owo iwole lowo eni to ba wa, bi ko se pe ki won wa ya foto ti won yoo maa ri wo titilai. 

Odunlade Adekola gege bi eni to gbe si akoroyin wa leti so pe, anfaani tawon to ba wa lojo naa yoo ri je ni pe oun yoo ba won ya foto papo.

AWIKONKO tun gbo pe okunrin naa ti ranse pe awon osere tiata bii melo kan lati wa pelu bawon ololufe oun ya foto nileese oun lojo naa.