 |
| Foluke to pa omo e |
Lose to lo lohun lowo olopaa ipinle Ogun te Arabinrin kan,
Foluke Owolewa, eni ogoji odun lori pe o seku pa omo e to sese bi, iyen omo
oojo.
Gege bi AWIKONKO se gbo, laarokutu Ojoru Wesde ose to koja
ni won lobinrin naa bimo, sugbon ki imole too wo, o ti seku pa omo naa, o si ti
gbe e sonu. Ojule ketadinlogun adugbo Ilupeju ni Anishere Unity Estate, Sango
Ota lo ti sele.
Awon kan ni won so pe won ri oku omo naa nibi tobinrin naa
ju si, eyi ti won si so pe won ko ri oyun mo ninu Foluke, to si je ki won fura
pe o seese ko je omo e ni.
Won lawon araadugbo naa lo lo so fun awon agbaagba ladugbo
naa ko too di pe igbakeji alaga ijoba idagbasoke ibile lo lo soro naa fawon
olopaa lati wa da si.
Nigba ti won ni won n beere oro lowo Foluke pe ki lo faa,
won lo so pe ko sowo toun le fi toju omo naa dagba.
AWIKONKO tun gbo pe Foluke ti seru nnkan bayii ri, to je pe
opelope awon araadugbo ti won doola emi omo naa ninu salanga to lo soo si.
Alukoro olopaa ipinle Ogun, Abimbola Oyeyemi nigba to n jeri
soro naa so pe looto ni atipe igbakeji alaga idagbasoke ijoba ibile agbegbe naa
lo lo so fawon olopaa ko too di pe DPO Akinsola Ogunwale lewaju awon olopaa e
lo mu Foluke.
Abimbola so pe obinrin naa jewo pe idi
to fi huwa naa ni pe ko sowo toun fi le too, ati pe awon omo oun meji ti
won wa nile, tipatipa loun fi toju won, oun si mo pe eru nla ni eleyii naa
maa je foun loun se pa danu.
Komisanna olopaa, Ahmed Iliyasu ti pase pe ki won gbe Foluke
wa si oluulese awon olopaa ni Eleweran, ki Iwadii si tesiwaju.
O so pe iwa odaju lobinrin naa hu, o si gbodo foju bale ejo.
No comments:
Post a Comment